Tíðindi

Veðrið

Forsøgn, galdandi til á middegi fríggjadagin

Eitt lágtrýst, 987 hPa, millum Føroyar og Hetland gongur í landnyrðing og grynnist.

Brúgvaløg hiðani við regni liggja yvir Føroyum í morgun og fyrrapartin.

Eitt annað lágtrýst, 982 hPa, vestan fyri Hebridurnar gongur í landnyrðing ímóti Føroyum. Luftrákið kring Føroyar er í dag av ymsum ættum.

Frískt lot upp í frískan vind eystan, 5 til 10 m/s, í støðum upp í ein strúk, 13 m/s, samdrigið og regn. Sum líður á fyrrapartin minkandi vindur sunnanfyri.

Út á seinnapartin lot til frískt lot av útsynningi, 3 til 8 m/s, samdrigið og yvirhøvur turt. Í kvøld frískt lot til frískan vind sunnan, 5 til 10 m/s, skiftandi skýloft og okkurt ælið.

Í nátt gongur hann upp í landsynning, og fyrrapartin í morgin fer hann at mala úr ymsum ættum. Hitin næsta samdøgrið 8 til 12 stig.