Tíðindi

Tvey ferðamannaskip til Runavíkar havn

Tað fyrra, Marina hjá Oceania Cruises, var á Runavík í gjár. Tað kom kl. 10.00 og fór avstað aftur kl 20.00, og tað seinna, Seven Seas Splendor hjá Regent Seven Seas Cruises, kemur nú í morgun ,mánamorgun, kl. 7.00 og verður liggjandi við bryggju til týsdagin kl. 13.00. 

Marina, er her á fyrsta sinni, er 238 metrar til longdar, og umborð eru 1200 ferðafólk úr USA, Kanada, Avstralia, Nýsælandi og UK. Manningin á Marina telur 780 fólk.

Seven Seas Splendor, sum eisini vitjaði í 2022, er 224 metrar til longdar, og umborð eru 745 ferðafólk, meginparturin úr USA, umframt manningina uppá 530 fólk.

Bæði reiðaríini hoyra undir Norwegian Cruise Line Holdings, ið eigur í alt 31 ferðamannaskip.

Tor Shipping er umboðsfelag hjá báðum skipunum og MB Tours túrsmiður.

Tað skrivar Runavíkar Havn.