Eitt lágtrýst, 972 hPa, beint vestan fyri Føroyar gongur eystureftir og grynnist. Ein hátrýstryggur nærkast Føroyum vestaneftir fyrrapartin og er farin framvið seinnapartin.

Eitt annað lágtrýst, 971 hPa, stendur í stað við Kappan og fer næstu dagarnar at dýpast eitt sindur. Óstøðugt luft rekur ímóti Føroyum av útnyrðingi, seinni útsynningi.

Frískur vindur upp í hvassan vind av útnyrðingi, 10 til 15 m/s, í støðum upp í skrið, 18 m/s, samdrigið og yvirhøvur turt.

Fyrrapartin minkandi vindur niður í frískan vind upp í ein strúk, 8 til 13 m/s, og ættin gongur niður í vestan.

Seinnapartin frískt lot til frískan vind vestan, 5 til 10 m/s, samdrigið og okkurt ælið. Í kvøld lækkar hann niður í útsynning.

Í nátt og fyrrapartin í morgin frískur vindur upp í ein strúk sunnan, 8 til 13 m/s, samdrigið og okkurt ælið. Hitin 3 til 7 stig.