Góðu Føroya fólk, av hjarta vilja vit takka tykkum fyri, at tit hava staðið við okkara lið í hesi verkfalstíð. Vit vita, at tykkara gerandisdagur er nógv órógvaður av verkfallinum.

Tí harmast vit veruliga um, at semingin ikki bar á mál. Fyri arbeiðarafeløgini merkir hetta, at verkfallið heldur fram.

Okkara átøk skulu fyrst og fremst raka limirnar í Føroya Arbeiðsgevarafelag.

At Vinnuhúsið hevur biðið sínar limir um at skerja lønina hjá øðrum starvsfólki, ið ikki fær møtt til arbeiðis orsaka av verkfallinum, leggur bara stein oman á byrðu hjá vanligum fólki.

Tí hava vit avgjørt at virka fyri, at dagstovnar aftur kunnu lata upp. Vit geva tí undantøk á dagstovnaøkinum, til reingerðarfólk og burturbeining av ruski frá mánamorgni 10. juni, soleiðis, at barnafamiljur aftur sleppa til arbeiðis.

Vit vita, at vit bert røkka á mál, við at leggja enn størri trýst á arbeiðsgevararnar, ið ikki fáa útflutt ella innflutt vøru, og sum ikki fáa brennievni.

Tí vóna vit eisini, at hesi undantøk vísa, at hetta er ikki eitt stríð móti Føroya fólki, men eitt stríð fyri verkafólki.

Tøkk fyri stuðulin, saman vinna vit stríðið fyri ordiligari løn til verkafólk!

TOGETHER WE WILL WIN THIS FIGHT

Dear everyone

From the heart, we want to thank you for standing by us in these hard times. We know that the strike affects your lives a lot.

We are saddened to inform you, that the negotiations this evening failed - and the strike will continue.

We want the strike to affect the members of the employer’s association, Vinnuhúsið, the most.

And not the families that cannot go to work, because they do not have childcare. Therefore, we have decided to give some exceptions to daycare instistutions. From June 10th, daycares will be cleaned and the garbage will be picked up, so that families with small children can go back to work.

Only by putting more pressure on the employers that need to import/export goods - and that can not buy petrol, we will reach our goal.

With these exceptions, we hope you see, that this is not a fight against the people of the Faroes, but a fight for the workers.

Thank you for your support! Together we will win the fight for a better wage for workers!