Við frágreiðingini er tilmæli um, hvat landsstýrið ætlar at gera við samstarvið.

Tað er Høgni Hoydal, landsstýrismaður, sum fer at ráðføra seg við uttanlandsnevndina.

Hann sigur, at í samgonguni er semja um tað, sum landsstýrið ætlar.

Svara í næstu viku

Høgni Hoydal sigur, at hann hevur biðið um, at løgmaður og landsstýrismaðurin í fiskivinnumálum vera við í ráðførsluni í dag.

Bjarni Hammer, formaður í uttanlandsnevndini, væntar, at Høgni Hoydal fær svar frá nevndini í næstu viku.

Skal fiskivinnusamstarvið við Russland broytast ella steðgast, skal løgtingið samtykkja tað. 

Tí skal landsstýrismaðurin í løgtingið við lógaruppskoti um tað.