Seinastu tvær vikurnar hevur samráðingarbólkurin hjá arbeiðarafeløgunum verið bussferð og heilsað uppá verkafólk kring alt landið. Frá sunnast í Føroyum til norðoyggjar.

Bussferðin er eitt nýtt átak, sum arbeiðarafeløgini eru farin undir. Endamálið við átakinum er at heilsa uppá limir runt um í landinum fyri at fáa eina hóming av, og íblástur til, hvat vit skulu arbeiða fram ímóti til næstu samráðingar. Staðfestast kann, at tað málið er rokkið!

Vit eru sera takksom fyri tykkara íkast, og hevur hetta givið okkum eina greiðari mynd av, hvørji ynski og/ella krøv, vit skulu taka upp til samráðingarnar næsta vár.

Arbeiðsplássini, vit hava vitjað hesaferð, eru:

TG Seafood

Bakkafrost, Vágur

Dagrøktarar í Sumba

Vegadeildin hjá Tórshavnar Kommunu

Faroe Ship

Poul Hansen

Balslev

Poul Michelsen

Bakkafrost, Glyvrar

Arbeiðsfólk hjá Runavíkar Kommunu

Faroe Origin

Havsbrún

Vaðhorn

IRF

Kósin

Reingerðarfólk hjá Klaksvíkar Kommunu

Atlantic Airways

Sjógæti

Sandoy Seafood

Høvdavirkið í Leirvik

Vit vilja við hesum takka hjartaliga fyri allan blíðskap, vit hava møtt frá bæði limum og arbeiðsgevarum á hvørjum einasta arbeiðsplássi, vit hava vitjað.

Samráðingarbólkurin hjá

Føroya Arbeiðarafelag

Havnar Arbeiðarafelag

Klaksvíkar Arbeiðskvinnufelag

Klaksvíkar Arbeiðsmannafelag