Lot til frískt lot av útsynningi, 3 til 8 m/s, skýggjað og okkurt ælið. Út á fyrrapartin minkar vindurin niður í eitt lítið lot, minni enn 5 m/s, hálvskýggjað og yvirhøvur turt.

Seinnapartin fer ættin niður í sunnan, seinni í landsynning. Í kvøld frískur vindur upp í ein strúk av landsynningi, 8 til 13 m/s, samdrigið og regn.

Seint í kvøld og frameftir frískur vindur upp í hvassan vind sunnan, 10 til 15 m/s, samdrigið og ælaveður, serliga vestanfyri. Hitin 9 til 13 stig.