Tað er ikki greitt enn, hvørt undirtøka er fyri at strika serskattaskipanir, sum sjómannafrádráttin. Tað sigur Ruth Vang, landsstýriskvinna í fíggjarmálum.

Løgmaður nevndi ikki sjómannafrádráttin í sínari røðu, tá løgtingið varð sett á ólavsøku. 

Tað skrivar Marjun Dalsgaard á kvf.fo 

Ruth Vang, landsstýriskvinna í fíggjarmálum, hevur annars fleiri ferðir sagt, at einki verður gjørt uttan at tað er fíggjað, eitt nú ætlanin at sytta arbeiðsvikuna, lønarlyft og so framvegis. 

Spurningurin er tískil, um landsstýrið hevur slept ætlanini um at strika sjómannafrádráttin?

"Tað er ikki greitt enn, hvørt undirtøka er fyri at strika serskattaskipanir, sum sjómannafrádráttin," ásannar landsstýriskvinnan í fíggjarmálum.