Føroyskar fyritøkur brúktu tilsamans góðar 546 milliónir kr. til nýskapan í 2022. Tað svarar til 2,2% av bruttotjóðarúrtøkuni (BTÚ).

Tað vísa nýggj hagtøl fyri nýskapan, sum Hagstova Føroya hevur ment og kunngjørt í dag. Hetta er fyrstu ferð, at hagtøl um nýskapan í Føroyum verða uppgjørd. Hagtølini eru ment í samstarvi við Granskingarráðið og eru gjørd eftir altjóða leisti eftir ásetingum hjá Eurostat og Oslo-handbókini um nýskapan.

Fiskiveiða og samskifti 

Hagtølini vísa, at tað í 2022 serliga vóru tvær vinnugreinar, sum gjørdu stórar íløgur og áttu meginpartin av útreiðslunum til nýskapan. Vinnugreinarnar eru "Landbúnaður, skógrøkt og fiskiveiða" og "Kunning og samskifti". Hesar báðar vinnugreinar áttu tilsamans 80 prosent av útreiðslunum til nýskapan. 

Flestu fyritøkur nýskapa

Virksemið innan nýskapan verður millum annað mátað eftir, hvussu stórur partur av fyritøkunum nýskapa. Í tíðarskeiðinum frá 2020 til 2022 nýskaptu 58 prosent av føroyskum fyritøkum, sum hava tíggju ella fleiri starvsfólk. Hetta er á leið tað sama sum í hinum Norðurlondunum.

LES ALLA GREININA HER Tvær vinnugreinar standa fyri 80 prosentum av útreiðslunum til nýskapan - (gransking.fo)