Frá Føroya Fiskimannafelag

Úrslitið av sýsluformansvalinum í Eysturoynni er nú greitt.

Tá ið freistin at stilla upp til valið var úti, varð greitt, at tað bara vóru tvey valevni, sum bjóðaðu seg fram.  

Per á Sýnini (fyrr Toftegaard) í Runavík stillaði uppaftur og Jonhard Danielsen úr Søldarfirði stillaði eisini upp til sýsluformansvalið.   

Atkvøðuseðlarnir vórðu sendir út, og freistin at atkvøða var í gjár hin 30. januar 2023.

Limirnir, sum høvdu atkvøðurætt, skuldu senda atkvøðuseðlarnar inn til Grannskoðaravirkið NUMO, ið hevur staðið fyri uppteljingini.

Grannskoðaravirkið NUMO hevur nú sent Føroya Fiskimannafelag úrslitið.

Úrslitið:

90 limir hava atkvøtt

50 atkvøður fóru til Per á Sýnini  

38 atkvøður fóru til Jonhard Danielsen

2 atkvøður vóru ógildugar

Nýggja setan hjá sýsluformonnunum byrjar 1. februar 2023.

Tórshavn 31.01.2023

Føroya Fiskimannafelag