Týsdagin 17. januar var móttøka í Fiskivinnu- og samferðslumálaráðnum fyri Dennis Holm, nýggja landsstýrismanninum í fiskivinnu- og samferðslumálum.

Elin Mortensen, settur aðalstjóri í Fiskivinnu- og samferðslumálaráðnum, beyð vælkomin, og síðani bar landsstýrismaðurin fram røðu. Dennis Holm, landsstýrismaður, vísti í røðu síni á, at bæði fiskivinna og samferðsla hava stóran týdning fyri føroyska samfelagið, og at landsstýrismaðurin, saman við dugnaligu og royndu starvsfólkunum í ráðnum, gleðir seg til uppgávuna at vera í tænastu hjá Føroya fólki - kring alt landið.

Á móttøkuni takkaði landsstýrismaðurin eisini undanfarna landsstýrismanni í fiskivinnumálum, Árna Skaale, fyri tíðina. Harumframt bar landsstýrismaðurin eisini fram takkarkvøðu til Rógva Reinert, sum, eftir 17 ár í starvi sum aðalstjóri, fer í starv sum ráðgevi hjá landsstýrinum.

FLEIRI MYNDIR FRÁ MÓTTØKUNI HER https://www.fisk.fo/fo/kunning/tidindi/mottoka-i-fiskivinnu-og-samferdslumalaradnum/