Minni var at fáa av toski í heyst enn í fjør. Miðalveiðan var um 85 kg pr. tíma samanborið við um 190 kg í fjør. Hetta er triðja árið á rað, at nøgdin minkar eftir høga virðið í 2023. Umframt stóra toskin var eisini nakað at fáa av smærri toski, bæði um 30-40 cm og 60-80 cm til longdar. Hetta bendir á, at yngri fiskur er á veg inn í stovnin, men enn er ov tíðliga at siga, hvussu sterk tilgongdin er. Toskurin er nakað rak, serliga tann størri toskurin.

Tað var framvegis nógv at fáa av hýsu, hóast nøgdin var minni enn í fjør. Hýsan var spjadd víða um Bankan og tykist sum heild at vera í heldur góðum holdum.

Óvanliga nógv var at fáa av upsa, og miðalveiðan var tann hægsta í tíðarrøðini. Hetta komst tó í stóran mun av einum sera stórum háli. Eisini var nógv at fáa av gulllaksi, serliga í einum háli sunnarlaga á Bankanum.

FLEIRI UPPL`YSINGAR HER Minkandi nøgdir av toski á Føroyabanka, men framvegis nógv hýsa - Havstovan