Báturin við nærum loddrøttu stevnum sínum hevur røtur í víkingaskipinum. Hann hevur upp móti okkara døgum verið ímyndin av norðurnorska fiski- og flutningsfarinum.

Myndin sýnir norðurlandsbát av slagnum åttring o.u. 1900 til fiskiskap við Lofoten í Noregi. |Myndaogn: Nationalmuseet Danmark

Stóru norðurlandsbátarnir, serliga fembøring, høvdu flestir dekshús har afturi. Í lyftingini, sum húsið nevndist, vóru kabúss og beinkir. Har kundi manningin strekkja seg og fáa hitan.

Á víkingaskipinum var eisini lyfting. Hetta var kortini ikki hús, men hálvdekk. Høvdingurin og næstu menn hansara hildu vanliga til afturi í lyftingini.

Minsti norðurlandsbáturin, færing, er ætlaður einum ella tveimum monnum. Åttring og fembøring eru ætlaðir ávikavist fimm-seks og seks-sjey monnum, verður sagt.

Greina av Óli Olsen, rithøvundi