Herluf Sigvaldsson gevst sum samráðingarleiðari hjá Fiskivinnumálaráðnum.

Sambært fráfaringaravtalu, sum var gjørd 18. og 19. august, fær Herluf Sigvaldsson løn í 14 mánaðir frá 1. november í ár at rokna.

Í fráfaringaravtaluni stendur einki um, hví samstarvið millum partarnar er endað.

Herluf Sigvaldsson var tænastumannasettur ráðgevi í Fiskivinnu- og Samferðslumálaráðnum.

Hann fær tænastumannaeftirløn frá 1. januar 2027.

Herluf Sigvaldsson skal vera tøkur til 31. oktober í ár at lata frá sær allar arbeiðsuppgávur til onnur starvsfólk í Fiskivinnu- og Samferðslumálaráðnum. 

Hann skal eisini í seinasta lagi tann dagin, 31. oktober, lata ráðnum lyklar og arbeiðsamboð.

Aðalráðið skal rinda advokatinum hjá Herlufi Sigvaldsson allan kostnað hansara, í mesta lagi tó 10.000 kr.  

Herluf Sigvaldsson gjørdist samráðingarleiðari í 2013.

Hann stóð á odda fyri samráðingum um uppsjóvarfisk.

*******************************************************************

Tað var í 2013 at hetta stóð á heimasíðuni hjá Fiskimálaráðnum

Føroyska samráðingartoymið sett á stovn

Nú Jacob Vestergaard, landsstýrismaður, hevur undirritað tilnevningarbrøvini, er føroyska samráðingartoymið sett á stovn eftir hesi skipan:

Herluf Sigvaldsson, samráðingarleiðari

stjórnmálafrøðingur við høvuðsgrein í heimspolitikki og altjóðasamráðingum

Ásmundur Guðjónsson, havlívfrøðiligur ráðgevi

havlívfrøðingur

Bjørn Kunoy, løgfrøðiligur ráðgevi

doktari í altjóðalóg

Eydna í Homrum, havlívfrøðiligur ráðgevi

lívfrøðingur, PhD.

Hans Ellefsen, taktiskur ráðgevi

búskaparfrøðingur, PhD.

Jan Arge Jacobsen, havlívfrøðiligur ráðgevi

fiskifrøðingur, Dr. Scient.

Føroyska samráðingartoymið er skipað við sæti í Fiskimálaráðnum við serligum førleikum innanfyri diplomati og altjóðasamráðingar, umframt altjóðalóg, havlívfrøði og búskaparfrøði.

Í føroysku sendinevndunum fyri norðhavssild og makrel eru, umframt føroyska samráðingartoymið, eisini umboð fyri føroysku vinnuna.

Fleiri upplýsingar fáast við at venda sær beinleiðis til Herluf Sigvaldsson, samráðingarleiðara, á telefon +298 553249.