Sunnudagin 30. oktober 2022 andaðist fyrrverðandi formaðurin, Hans Joensen, 71 ára gamal. Tí skal felagið hava nýggjan formann tann 4.mars.

Heri Reynheim hevur røkt formanssessin í Havnar Arbeiðarafelag, síðan Hans Joensen gjørdist sjúkur. 

Ársaðalfundurin hjá felagnum verður 4. mars og tá skal formaður veljast.

Formansval 

Sambært grein 22 í lóg felagsins skulu uppskot til formansvalevni vera nevndini skrivliga í hendi áðrenn kl 12 seinasta vanliga arbeiðsdag í desember 2022 árið fyri at formaður stendur fyri vali.

Sostatt er freistin farin.

Vit hava spurgt hvør stillar upp, men felagið sigur, at tað verður kunngjørt í miðlunum seinni í januar.

Ársaðalfundurin verður 4. mars.