Í síðstu viku boðaðu átta føroysk skip frá 3.407 tonsum av makreli til Norges Sildesalgslag.
 
Avtalan við Noreg um makrel sigur, at allur makrelur, sum føroysk skip fiska í norskum sjógvi, skal seljast gjøgnum ella við góðkenning frá Norges Sildesalgslag.

Tann nógvi makrelurin er seldur virkjum í Føroyum.

Norges Sildesalgslag sigur, at norsk skip fiskaðu 38.186 tons av makreli í síðstu viku.
  
Norska kvotan í ár er 237.907 tons.

Higartil eru fiskað 81.000 tons.

Tað skrivar Høgni Djurhuus á kvf.fo 

Arkivmynd: Birgir Waag Høgnesen