Viðmerking Føroya Fiskimannafelags til uppskot til

Løgtingslóg um broyting í løgtingslóg um veiðigjøld fyri fiskiskap (Veiðigjaldslógin) (Dagføring av gjøldum, veiðigjald fyri lodnu og heystgýtandi sild og strikan av undantaki fyri heimaflotan)

Føroya Fiskimannafelag hevur greiða meining um áseting av veiðugjøldum.

Í fyrsta umfarið halda vit, at slík veiðugjøld ikki hoyra heima í fiskivinnuni, tí fiskimenn eru teir, sum missa mest.

Okkara limir eru frammanundan teir, sum rinda størsta prísin, tá ið veiðugjøld og onnur gjøld vera løgd á fiskivinnuni.

Í øðrum lagi halda vit, at fíggjarpolitikkur landsins á ongan hátt skal taka okkara fiski­vinnu/sjófólk sum gísla, soleiðis at nøgdin av fiski skal vera trygdarnet hjá landskass­anum.

Sjófólk okkara, sum hendan lóg rakar, hava í ríkiligt mát nokk við sítt egna lívsgrund­ar­lag. Í ávísum førum eru arbeiðsamboð teirra so niðurslitin orsakað av áløgdum gjøld­um, at vandi er á ferð.

Um lógin hóast alt verður sett í gildi

Um løgtingið hóast hetta ásetir slík veiðugjøld, sum vit eru harðliga ímóti, so má hugs­ast alternativt, so rættvisi kemur í skipanina.

Rættvísi merkir, at tey, sum veiða mest, skulu gjalda mest.

LES ALT HOYRINGSSKRIVIÐ HER Mál (logting.fo)

FAR UNDIR HOYRINGSSKRIV C