Fyrr í mánaðinum varð semja undirskrivað millum Føroya Reiðarafelag og Føroya Fiskimanna­felag.

Millum krøvini, sum Føroya Fiskimannafelag hevði til Reiðarafelagið, var, at býtis­prosentið skuldi læsast fast fyri allan flotan.

Reiðarfelagið vildi ikki ganga hesum á møti. Eftir at hava sitið til samráðingar i rúma tíð, gingu reiðararnir tó við til at gera nýggjan stiga fyri býtisprosentið, soleiðis at menn umborð á partrolarum fáa 27%, sjálvt um teir eru 6 mans.

Støðan er eisini broytt fyri garnaskip og lemmatrolarar, har býtisprosentið eisini er læst fast við 9 monnum, í mun til við 10 monnum, sum tað var frammanundan.

Umframt hetta varð eitt skjal undirskrivað, har partarnir binda seg til at betra um hýr­una í sáttmálaskeiðinum.