Í gjáramorgunin tann  4. oktobur vitjaði ferðamannaskipið Spitsbergen aftur í Elduvík.  Ferðafólkini vóru førd í land við gummibátum. Spitsbergen hevur vitjað bygdina fleiri ferðir áður og hetta er aðru ferð í ár.

Móttøkutoymið, ið er samansett av fólki í Elduvík, Runavíkar Havn og Visit Runavík, hevur góðar royndir í at taka ímóti, og manningin kennir eisini umstøðurnar.

Runavíkar havn og Visit Runavík hava seinastu árini arbeitt saman við íbúgvunum í Elduvík við at menna hendan burðardygga leist. Tikið verður í mesta lagi ímóti 3 skipum um árið í Elduvík.

Spitsbergen, sum hoyrir undir reiðariíð Hurtigruten, er 100 m langt og umborð eru umleið 123 ferðafólk. Skipið kom kl. 7.00 og fór avstað kl.15.00.

Umboðsfelagið í Føroyum er Faroe Ship.