Bárður á Steig Nielsen, landsstýrismaður í uttanríkis- og fiskivinnumálum, tosaði seinnapartin fríggjadagin við danska verjumálaráðharran, Jeppe Bruus.

Teir umrøddu millum annað støðuna, nú bæði føroysku vaktarskipini, Brimil og Tjaldrið, liggja.

Eitt danskt sjóverjuskip er í føroyskum sjógvi í løtuni og er tøkt at røkja uppgávurnar fyri Vørn. Tá ið Tjaldrið fekk maskintrupulleikar, setti Vørn seg beinanvegin í samband við donsku verjuna um støðuna, og nú er avtala gjørd um, at hetta stendur við, til Brimil ella Tjaldrið aftur er klárt at seta í sigling.

Tað sigur Uttanríkis- og fiskimálaráðið í einum tíðindaskrivi.