Herfyri skrivaði eg í einum uppslagi m.a., at seks 80-tons útróðrarbátar vórðu bygdir í Danmark til Føroya eftir seinna heimsbardaga. Síðan hevur ein kelda gjørt meg varugan við, at hetta er ikki heilt rætt, tí teir vóru átta í tali. Onkur av bátunum var eitt sindur størri enn 80 tons. Bátarnir eru hesir:

Erna Durhuus, Vestmanna, seinni seld til Ísland

Harris, Vestmanna, seinni Grunningur hjá Kjølbro

Eydna, Sumba, seinni Rólant, Tvøroyri

Útegg, Leirvík, seinni Pollur hjá Kjølbro

Dragasund, Klaksvík

Saksaberg, Vágur, seinni Drangur, Sørvágur

Selberg, Sørvágur, seinni Mei, Vágur

Snekkjusteinur, Haldórsvík, sakk í Haraldsundi 1948/49.

Eg kenni ikki lagnuna hjá hesum bátunum. Myndina av Dragasund við Stengarbrúgvarnar í sildatíðini seinast í fimtiárunum havi eg lænt frá einum uppslagi hjá Magnu Reid Joensen í 2011.

Tað skrivar Jákup Andreasen, fyrrv. skúlastjóri á Fiskivinnuskúlanum í Vestmanna