Skip to main navigation Skip to main content Skip to page footer

Antitrustreglurnar innan fiskivinnuna skulu herðast

Tað sigur Uni Holm Johannesen

Uni Holm Johannesen, samgongutinglimur fyri Javnaðarflokkin, heldur, at tað er umráðandi, at antitrustreglurnar verða herdar, áðrenn brúksskylda verður løgd á uppsjóvarfisk. 

Hoyr samrøðuna HER Samgongulimur: Antitrustreglurnar innan fiskivinnuna skulu herðast fyrst | Kringvarp Føroya (kvf.fo)

Antitrustreglurnar eru reglurnar um, at ongar fyritøkur mugu hava monopol upp á eina ávísa vinnu. 

"Í løtuni eru vit við til at avhenda alla fiskivinnuna til fýra stór reiðarí," staðfestir Uni Holm Johannesen. 

Landsstýrismaðurin í fiskivinnumálum hevur enn einaferð lýst eina kunngerð, ið býtir yvir 17.000 tons av makreli til heimaflotan og rækjuskip - tær sokallaðu stuðulskvoturnar - ið eru til at selja. 

Dennis Holm hevur, síðani hann bleiv landsstýrismaður í fiskivinnumálum, sagt, at makrelkvotur ikki skulu latast sum stuðul til skip, og tað er semja um hetta í samgonguni.

Men enn er ikki semja um, hvussu stuðulskvotur skulu avtakast. 

"Tað er ikki undirtøka fyri at avtaka undantakið fyri brúksskyldu uttan broytingar til dømis í skattalógini," sigur Dennis Holm, landsstýrismaður í fiskivinnumálum.  

Tað skrivar Marjun Dalsgaard á kvf.fo