Verksmiðjutrolarin Akraberg, úr Fuglafirði, er ávegis til Føroyar við 1.100 tonsum umframt 500 tonsum av súrløgu.

Tað skrivar KIRAN JÓANESARSON á fiskur.fo 

Akraberg hevur verið til fiskiskap í Barentshavinum, og fiskiskapurin hevur verið góður.

Akraberg fór at sigla heim í gjár, og verður væntandi á Fuglafirði hóskvøldið, har veiðan skal landast.

Skipari hendan túrin er Eyðun á Bergi, og manningin telur 24 mans.