Seinastu tíðindi

Lóggeva sáttmálan út á sjógv Hoyringskriv Frá Føroya Fiskimannafelag Buldraligt politiskt veður í vetur Sóknirnar fara í søguna Makreltilfeingið bara økist

Fakfelagstíðindi

Fiskimenn mótmæla mánadagin


26 mai 2017 - 16:22

Føroya Fiskimannafelag og Føroya Skipara- og Navigatørfelag skipa fyri mótmælistiltaki við tinghúsið, tá fiskivinnunýskipanin verður til fyrstu viðgerð mánadagin.

Undir herrópinum “kom og stuðli feløgunum í stríði okkara ímóti uppskotinum til nýggja fiskivinnulóggávu” skipa fiskimenn og navigatørar fyri mótmælistiltaki uttanfyri tinghúsið mánadagin.

Mótmælistiltakið byrjar klokkan 9, ein tíma áðrenn tingfundin, sum bert hevur tvey mál á skrá, nevniliga uppskotini til fiskivinnunýskipan hjá ávikavist samgonguni og Sambandsflokkinum.

Á tiltakinum verða millum annað talur hildnar í Klubbagarðinum. Har verður tingfundurin eisini stroymdur á stórskíggja, og tað verður hann eisini á matstovuni Shanghai, sum fyriskipararnir hava leigað fyri dagin.

Í lýsing um tiltakið siga fyriskipararnir millum annað soleiðis:

“Um uppskotið hjá samgonguni verður samtykt av Løgtinginum, so fer hetta at raka allar limir felagsins sera dygt, og tí er umráðandi at allir limir felagsins mótmæla uppskotinum.”